Ylli i muzikës pop, Katy Perry, ka mbetur me fytyrë të skuqur gjatë një serie të fundit të fotografimeve, pasi shimpanzeja kishte urinuar mbi të.

Krijuesja e hitit “I Kissed A Girls” ishte duke pozuar me veshjet e disenjatorit Jeremy Scott kur incidenti turpërues ndodhi.

“Jeremy Scott është një prej favoritëve të mi të të gjitha kohërave dhe ai po bënte foto derisa unë duhej të pozoja me kreacionet e tij. Kisha edhe një shimpanze në skenë me mua atë ditë. Gjëja më interesante ishte se ajo urinoi në mua dhe duhej të bëja një pastrim të thellë në mes të fotografimeve”, ka zbuluar këngëtarja.