Presidenti zambian ka organizuar konferencë për shtyp në kopshtin e pallatit të tij, është rehatuar nën një pemë dhe tamam sa ia ka filluar të flas para pyetjeve të gazetarëve “nga lartësia” e ka urinuar një majmun.

"Mi ka lagur rrobat”, ka thënë me qetësi Banda, derisa po shikonte kafshën se si po luante në pemë, pikërisht mbi tavolinën e tij.

"Kjo sigurisht do të jetë ndonjë shenjë fati", ka shtuar presidenti në praninë e gazetarëve dhe diplomatëve të cilët ia kishin plasur gazit.

Në oborrin dhe zyrat e pallatit të presidentin zambian jetojnë disa majmunë dhe disa lloj antilopash dhe zogjve.