Trupi i Gjykatës Federale ka hedhur poshtë ankimimin e paraqitur nga Roma kundër skualifikimit për 2 javë që i është dhënë Daniele De Rosit. Mesfushori i Italisë dhe i skuadrës verdhekuqe ishte ndëshkuar me karton të kuq gjatë ndeshjes së kampionatit Roma-Udineze, që u luajt 8 marsin e kaluar. Kështu, pasi nuk luajti një javë më parë përballë Sampdorias, sot do të vuajë ndeshjen e dytë të dënimit, gjatë supersfidës që skuadra e tij do të luajë përballë Juventusit në stadiumin “Olimpiko”. Më tej, me shumë mundësi, lojtari do të ketë rastin t’i rikthehet fushës së lojës përmes aktivizimit në radhët e përfaqësueses italiane.