Piloti brazilian i Brawn Grand Prix Rubens Barrikelo dominon Cmimin i Madh i Europes ne Formula 1 te zhvilluar ne Valencia te Spanjes duke zene vendin e pare pas nje gare thuajse perfekte.
Rubens Barrikelo ka zhvilluar nje gare thuajse perfekte ne Valencia duke perfunduar i pari ne finish dhe duke lene pas pilotin britanik te Meklaren Mercedes, Luis Hamilton edhe pse ky i fundit e startoi i pari kete gare pas vendosjes se kohes me te mire ne provat zyrtare te zhvilluara diten e shtune.

Nderkohe ne vendin e trete u rendit piloti finlandez i Ferrarit, Kimi Raikonen kurse debutuesi i skuderise italiane, Luka Bodeor i cili ne vezhdim te ketij kampionati do te zevendesoje brazilianin e aksidentuar ne garen e Hungarise Felipe Masa nuk mundi te arrije nje rezultat me te mire se vendi i 17.

Pas Cmimit te Madh te Europes ne Valencia skuadra e Brawn Grand Prix udheheq renditjen per konstruktore, ndersa piloti i saj Xhenson Baton udheheq renditjen per pilote i ndjekur nga piloti tjeter i Brawn GP, fituesi i gares se sotme, Rubens Barrikelo.

Gara e ardhshme do te zhvillohet vetem pas shtate ditesh ne Cmimin e Madh te Belgjikes.