Pas një takimi në zyrat e UEFA-s, Sekretari i përgjithshëm i UEFA-s, Gianni Infantino, ka lëshuar një deklaratë ku thuhet se janë identifikuar 7 nga 40 ndeshjet e dyshuara për montim rezultatesh, ndërsa dy nga pesë skuadrat që po hulumtohen janë nga Kampionati shqiptar.

“Pesë klubet e përfshira janë Tirana (Shqipëri), Dinaburg (Letoni), Vllaznia (Shqipëri), Ljubljana (Slloveni) dhe Budapest Honved (Hungari)”, thuhet në deklaratë.

Ndeshjet të cilat janë montuar janë:

Stabæk - Tirana (LK)
Bnei Yehuda Tel-Aviv - Dinaburg (LE)
Dinaburg - Bnei Yehuda Tel-Aviv FC (LE)
Vllaznia - Rapid Wien (LE)
Rapid Wien - Vllaznia (LE)
Ljubljana - Metalurh Donetsk (LE)
Fenerbahce - Budapest Honved FC (LE)

Njëkohësisht, UEFA është duke hetuar mundësinë e përfshirjes së tre referëve dhe një personi të lidhur me UEFA-n, në lidhje me montimin e ndeshjeve.