Politikani polak i nervozuar për shkak të elefantit homoseksual


Një
politikan polak ka kritikuar kopshtin zoologjik lokal për faktin se ka
blerë elefantin “homoseksual” të quajtur Ninio i cili më shumë e do
shoqërinë e meshkujve sesa femrave, prandaj me gjasë nuk do të ketë
trashëgues, shkruajnë mediat polake të premten."Nuk i kemi
dhënë 37 milionë zlota (11 milionë dollarë) për shtëpinë më të madhe të
elefantëve në Evropë për të sjellë në të një elefant ‘homoseksual’”, ka
deklaruar Michal Grzes, përfaqësues i konzervativëve në këshillin e
qytetit Poznan. "Është planifikuar që të kemi një tufë, po pasi që
Ninio më shumë i do meshkujt sesa femrat, si do të sigurojmë
trashëgiminë?", ka theksuar Grzes.

Drejtori i kopshtit zoologjik në Poznan ka deklaruar se dhjetëvjeçari
Ninio është tepër i ri për të vendosur definitivisht nëse më shumë i do
meshkujt apo femrat, pasi që elefantët e arrijnë pjekurinë e tyre rreth
vitit të 14.