Skuadra e Real Madrid ka fituar lehtësisht 2-0 ndaj modestëve të Valladolid duke u afruar në 6 pikë ndaj Barcelonës në krye të La Liga

Real fiton sërish dhe për të qëndruar afër Barcelonës, nuk dështon në tentativën e tij ndaj Valladolid. Ishte kapiteni i ekipit, Raul Gonzales, ai i cili hapi rezultatin një minutë para fundit të kohës rregullt të pjesës së parë, pas një depërtimi të mirë të Higuain, duke çuar Realin në pauzë me një gol epërsi.

Edhe pjesa e dytë pavarësisht rasteve nuk solli gol derisa ndeshja iu afrua fundit. Kësaj here ishte Arjen Robben që dyfishoi rezultatin nëntë minuta para fundit të ndeshjes, për të vulosur rezultatin.

Reali mbledh 69 pikë në pozitën e dytë, kur kanë mbetur edhe tetë ndeshje deri në fund të sezonit në La Liga. Valencia ka shënuar fitore të rëndësishme prej 3-2 në udhëtim ndaj Sporting Gijon, duke marrë pozitën e katërt të tabelës me 49 pikë, derisa Villarreali me një pikë më pak, zbret në të pestën pas humbjes së djeshme para tifozëve të vet ndaj Malaga.

Rezultatet:

Mallorca 2 - 0 Almeria

Numancia 0 - 0 Espanyol

Osasuna 2 - 1 Athletic Bilbao

Santander 2 - 3 Real Betis

Real Madrid 2 - 0 Valladolid

Sporting Gijon 2 - 3 Valencia