Foto: Ilustrim
Një femër nga Florida, e cila kishte vendosur një ‘webcam’ në
shtëpinë e saj i ka parë disa hajna nga zyra duke ia grabitur shtëpinë.43-vjeçarja
Jeanne Thomas po qëndronte në zyrë, 40 kilometra larg shtëpisë së saj
kur i kishte parë disa të huaj duke kërkuar nëpër dhomën e saj të
ditës.

Ajo e kishte thirrur policinë dhe u kishte thënë se vjedhësit po ia
frikësonin kafshët e saj, po hanin ushqim nga frigoriferi dhe i vidhnin
lojërat Nintendo.

Policët kishin kërkuar nga Jeanne të qëndronte në linjë dhe t’u
tregonte atyre se çfarë po bënin hajnat, në ndërkohë ata po e rrethonin
shtëpinë.

Dy meshkuj të moshave 19 dhe 20- vjeçare janë kapur brenda në shtëpi
dhe janë arrestuar. Dy të dyshuar të tjerë janë akuzuar për
planifikimin e vjedhjes.