Një papagall shkaktoi kaos të vërtetë gjatë një ndeshjeje futbolli në Angli. Papagalli, Me-Tu ishte i shoqëruar nga e zonja e tij, Irene Kerrigan, në ndeshjen mes dy klubeve angleze të futbollit, Hertfordshire Rangers dhe Hatfield Town. Arbitri 45-vjeçar, Gary Bailey, ka thënë për gazetën “Daily Mirror”: “Nuk kam parë ndonjëherë gjëra si këto. Kjo grua po qëndronte pranë vijës anësore dhe papritur nxori këtë papagall të madh të gjelbër. Çdo herë që fishkëlleja, zogu lëshonte po të njëjtin zë. Të gjithë lojtarët ndaleshin dhe unë ndërpreva lojën”. “Nuk më ka ndodhë asnjëherë më parë që të largojë nga fusha një papagall”, përfundon ai.