Portieri i kombëtares spanjolle dhe i Realit të Madridit, Iker Kasilas, përkundër faktit që bisedimet ndërmjet klubit të tij dhe bashkëlojtarit nga kombëtarja, David Vila kanë dështuar, ai dëshiron që Vila ta braktis skuadrën e Valencisë.
"Vila është një futbollist fantastik dhe nëse do të duhet të nënshkruajë për Barcelonën do të më vjen mirë për të dhe familjen e tij", ka thënë Kasilas. Edhe pse futbollisti më i mirë në Euro 2008 nuk do të vjen në "Bernabeu", Kasilas është i kënaqur me futbollistët të cilët janë transferuar deri tash në skuadrën e tij. "Përforcimet të cilat i ka bërë klubi deri më tash më të vërtet janë të shkëlqyera dhe shpresoj se të gjithë së bashku do t'i realizojmë synimet e klubit", ka përfunduar Kasilas.