Pas pritjes së zgjatur dhe disa versioneve eksperimentale, ekipi i cili punon në shfletuesin e internetit Firefox na e ka dhuruar edhe versionin e tij 3.5.
Firefoxi i ri premton punë më stabile, posaçërisht kur është në pyetje JavaScript, si dhe mbështetje për standardet më të reja të uebit, siç është HTML 5.

Në të gjendet edhe mundësia e punës private, me ç’rast Firefox nuk lë asnjë shenjë për faqet të cilat i keni vizituar, e shumë imtësira, siç është puna me tabs dhe paraqitja e faqeve të vizituara më parë (Awesome Bar), janë avancuar dhe përmirësuar.

Mozilla ka vendosur edhe faqen e internetit në të cilën mund të shihet sa shpejt dhe prej cilave vende shfrytëzuesit po e shkarkojnë versionin e ri të Firefox, e qysh tani është e qartë se Firefox 3.5 do të mund t’i thyente rekordet. Vetëm deri më tani janë shkarkuar mbi tre milionë kopje, me shpejtësi prej pothuajse 100 kopjesh për sekondë.