Përzgjedhësi i kombëtares së Argjentinës, Diego Armando Maradona, është vënë në shënjestër të tifozëve të Boka Juniorsit, fanellën e të cilit klub ai e ka bartur dy herë gjatë karrierës së tij si futbollist.
Tifozët e Bokës kanë protestuar ashpër të dielën, në ndeshjen kundër Argentino Juniors, sepse Maradona ka vendosur të heq dorë nga shërbimet e Huan Roman Rikelmes, që është idhull i tifozerisë së Bokës. "Ndjej dhimbje zemre për protestën e tifozëve, veçmas për faktin se tifozët më shohin si tradhtarë. Por çfarë të bëjë? Çdokush ka të drejt për opinionin e tij, pra edhe tifozët e Bokës", ka theksuar Maradona, duke shtuar: "Nuk kam thënë se nuk e dua Rikelmen në skuadër. Përkundrazi, kam thënë se e dëshiroj, por më kanë keqkuptuar", është arsyetuar Maradona, sipas të cilit përkundër marrëdhënies tashmë jo të mirë me tifozët nuk do të heq dorë nga shkuarja në stadiumin "Bombonjera".