Shimpanzetë femra shpesh lëshohen në marrëdhënie seksuale me
meshkujt të cilët me to ndajnë gjahun, kanë njoftuar shkencëtarët
gjermanë nga Instituti Max Plank në Leipzig, njofton Reuters."Rezultatet
e hulumtimit tonë kanë dëshmuar se shimpanzetë e egra shkëmbejnë mishin
për seks, dhe atë në baza afatgjate", ka thënë Christina Gomes, njëra
prej shkencëtareve të cilët i kanë mbikëqyrur këtë lloj majmunësh në
parkun nacional në Bregun e Fildishtë.
"Meshkujt të cilët ndajnë gjahun me gratë e tyre në këtë mënyrë
dyfishojnë shanset për çiftëzim, derisa femrat të cilat kanë vështirësi
në gjetjen e mishit, rrisin kaloritë e tyre pa mundim të madh dhe pa
rreziqe nga lëndime gjatë gjahut", ka thënë Gomes.
Shkencëtarët kanë raportuar se hipoteza e tyre “mish për seks” është
një sqarim i pranueshëm për kafshët siç janë shimpanzetë, sepse ato
shpesh ndërrojnë partnerët dhe në këtë mënyrë kanë më shumë zgjedhje.