Një norvegjez e ka humbur patentë shoferin, pasi që policët
kanë vërejtur se është duke vozitur me shpejtësi më të madhe se 120
km/h dhe njëkohësisht bën dashuri me bashkëvozitësen e tij, njofton
"Drammens Tidende".Gazeta shkruan se të dielën policia e
kishte vërejtur një automjet, i cili shkonte 123 km/h nëpër rrugën ku
shpejtësia maksimale ishte 100 km/h.

Policët i janë vënë menjëherë pas automjetit, dhe kur i janë afruar
kanë vërejtur se në prehrin e shoferit po qëndronte një femër duke
kryer marrëdhënie seksuale gjatë vozitjes.

“Rreziku për aksident trafiku kishte qenë i madh, pasi që automjeti
kishte shkuar herë në njërën anë të rrugës e herë në tjetrën”, ka
deklaruar polici në ngjarje duke shtuar se gjithçka ishte xhiruar me
kamerën e policisë.

Policët ia kanë marrë menjëherë patentën e shoferit vozitësit
28-vjeçar, ndërsa në vazhdim, automjetin është dashur ta drejtojë e
dashura e tij 21-vjeçare.