Arkeologët në kërkim të varrit të Mark Antonit dhe Kleopatrës janë në rrugë të mbarë. Kështu bëri të ditur Këshilli i Lartë i Antikitetit Egjiptian, sipas të cilit, ekzistojnë tre vende të mundshme ku mund të ndodhet varri i dy të dashuruarve të njohur, pranë një tempulli në perëndim të Aleksandrisë. Këto vende u identifikuan në sajë të një radari special. Arkeologët janë bazuar në shkrimet e Plutarkut, ku thuhet se Kleopatra është varrosur bashkë me një nga trashëgimtarët e perandorisë romake, Mark Antonin. Të dy, mbretëruan në Egjipt rreth 2 000 vjet më parë.