Një hajdut i armatosur është arrestuar pasi grabiti një bankë dhe u kthye disa minuta më vonë të paguajë kredinë. Burri hyri në bankën “Kredi Bank”, në Nova Varos, i veshur me maskë dhe me armë në dorë. Ai u kërkoi arkëtarëve t’i dorëzonin paratë që kishin. Shumë shpejt u largua me ekuivalentin e 30 mijë pafundëve dhe ia krisi vrapit larg bankës. Stafi ende po e merrte veten nga tronditja e grabitjes, kur Grlic, 33-vjeçar, këtë herë pa maskë, hyri brenda të lante hesapet me bankën. Stafi e njohu nga atletet me ngjyrë dhe njoftoi policinë. Atë ditë kishte veshur atlete të gjelbra.