Drejtuesit e policisë në Kinë janë kritikuar se kanë angazhuar aktorë ta vjedhin një bankë si pjesë e trajnimit të tyre, pa njoftuar askënd tjetër. Vetëm drejtori dhe zëvendësdrejtori i departamentit policor në Zhenzhou, e kanë ditur se ishte një stërvitje. Të gjithë të tjerët, përfshirë edhe punëtorët e bankës kanë menduar se është grabitje e vërtetë. E përditshmja “Guangzhou” njofton se katër “grabitësit” kanë hyrë në bankë, e kanë çarmatosur sigurimin dhe kanë kërkuar nga të gjithë njerëzit brenda të shtrihen për toke. Ata madje ia kanë marrë çantën një klienti, e cila kishte brenda 20.000 funte.