Në muajin e fundit sulmuesi 32-vjeçar i kombëtares së Italisë, Luka Toni shumë herë ka ndryshuar mendje sa i përket të ardhmes së tij. Fillimisht ai ka shprehur pakënaqësinë e tij që klubi bavarez ka sjellë shumë sulmues në skuadër, duke e kuptuar se trajneri Luis van Gal më nuk do të llogarisë shumë në shërbimet e tij, me çka kishte paralajmëruar edhe largimin nga skuadra.
"Në Bajern fitoi shumë para, por nuk do të jem rob i parasë", kishte thënë para disa ditësh Toni. Megjithatë, të martën ai ka ndryshuar mendje dhe ka dhënë një deklaratë krejtësisht tjetër. "Në Bajern kam gjithçka që më duhet. Më mirë është të ekzistojë një konkurrencë e fortë në skuadër. Unë nuk dua t'ia kthejë shpinën një klubi i cili ka aspirata të mëdha për të fituar titullin e kampionit në Bundesligë dhe në Ligën e Kampionëve", ka pohuar Toni. Bajerni gjatë kësaj vere ka transferuar në skuadër sulmuesin kroat, Ivica Oliq nga Hamburgu dhe Mario Gomezin nga Shtutgarti.