Në faqen e internetit të rezervuar për sigurimin e biletave për ceremoninë komemorative të Michael Jacksonit është vërejtur një numër shumë i madh vizitash, njoftojnë organizuesit e ceremonisë.

Në minutat e para të lasnimit të faqes janë regjistruar 120.000 vizita në sekondë në sajtin e qendrës ‘Staples’, për të siguruar biletat për pjesëmarrje në ceremoninë e të martës.

Më shumë se 500 milionë vizitore e kanë vizituar faqen që në ditën e parë gjë që i kishte detyruar mbajtësit e faqes të sigurojnë edhe një server shtesë sepse nuk kishin mundur të mbanin numrin e vizitorëve.

Ceremonia për jetën e Mbretit të muzikës pop do të mbahet në Qendrën Staples dhe në Nokia Theatre të Los Angelesit më 7 korrik.