Si i sulmon qelizat virusi gripit

Shkencëtarët pranë laboratorit për biologji molekulare (EMBL), kanë njoftuar se kanë zbuluar mënyrën se si virusi i gripit i sulmon qelizat e njeriut, ndërsa këto të dhëna do të mund të ofrojnë mundësi të reja për krijimin e terapive për luftimin gripit sezonal.
Duke iu falënderuar incizimeve me rezolucion të madh të proteinave, ku virusi i gripit mund të shumohet, shkencëtarët kanë përcjellë virusin, i cili kur infekton një qelizë, menjëherë sulmon një tjetër.

Kurse gjatë procesit të përhapjes, i ndihmon enzima polimeraza virale, e cila kopjon materialin gjenetik të këtij virusi.

Ekspertët nga EMBL kanë zbuluar se ky kopjim zhvillohet në pjesën e polimerazës, të quajtur PA, që do të mund të rezultojë në zhvillimin e barnave të reja dhe vaksinave për ta luftuar gripin sezonal, nga i cili brenda një viti vdesin më shumë se njëqindmijë njerëz në mbarë botën.