Liga e Kampionëve solli edhe katër ndeshje mjaft emocionuese, ku nuk munguan edhe befasitë, si barazimi i Manchester United në Olt Trafford ndaj Portos dhe fitorja e thellë e Chelseat në Anfield ndaj Liverpoolit.

Barcelona shkatërroi Bayernin dhe po thuajse është në gjysmëfinale, ku me shumë gjasa do të mund të takohet me Chelsean, që po ashtu ka bërë një hap të madh për në katërshen e fundit.

Manchesteri rrezikon përballë Portos, ndërsa edhe Arsenali nuk do ta ketë edhe aq të lehtë ndeshjen e kthimit në Emirates përballë Villarealit.

Në 11-shen më të mirë të javës, sa u takon ndeshjeve çerekfinale të Ligës së Kampionëve, të publikuar nga Eurosport, më së shumti lojtarë kanë Barcelona dhe Porto, me nga tre lojtarë, nga dy kanë Arsenali dhe Chelsea, dhe vetëm një Villarreali.

Ekipi më i mirë:
Portier: Petr Cech (Chelsea)

Mbrojtës: Branislav Ivanovic (Chelsea); Kolo Toure (Arsenal); Carles Puyol (Barcelona); Aly Cissokho (Porto)

Mesfushorë: Lionel Messi (Barcelona); Marcos Senna (Villarreal); Cristian Rodriguez (Porto);

Sulmues: Thierry Henry (Barcelona); Emmanuel Adebayor (Arsenal); Hulk (Porto)