Familjarët e ikonës së muzikës pop Michael Jackson kërkojnë që t’i bëhet një obduksion tjetër yllit të muzikës, i cili ndërroi jetë të enjten në moshë 50-vjeçare.

Kërkesa për përsëritjen e obduksionit është bërë për të kuptuar rolin e kardiologut Dr. Conrad Murray, para vdekjes së Jackson.

Mbreti i muzikës pop për një periudhë të gjatë kohore ka përdorur barna për qetësim dhe barna kundër dhimbjes, prandaj dyshohet se pikërisht terapia e tij ishte shkaku i vdekjes së këngëtarit.