Mavizen, krahu prodhues i TTXGP (Time Trials Xtreme Grand Prix, garë për motorët me zero-emetime ndotëse) sapo ka njoftuar modelin TTX02 në garën SEMA të këtij viti. Ky motor është projektuar për të funksionuar jo si model për t’u shitur në masë, por si platformë për të ndërtuar modele të reja. Do dalë në shitje në fillim të 2010 (një sasi e kufizuar prej 50 modelesh) dhe s’do jetë vetëm si kallëp, por do jetë pajisur me një sistem operativ Linux, web server, suport portash USB, dhe lidhje WiFi.

Zëdhënësi i grupit projektues thotë:

“Motori me sasi prodhimi të kufizuar, Mavizen TTX02, u jep pjesëmarrësve të garës një shans të blejnë një motor që mund ta zhvillojnë vetë dhe ta bëjnë konkurrues dhe unik vetëm për veten e tyre.”

I karakterizuar edhe si “laptop me rrota”, ky motor përveç respektit dhe mbrojtjes së natyrës, është edhe një arritje e lartë teknologjike.